સંસ્કારી નગરી વડોદરામાં આવેલ હરિ સેવા વિદ્યાલય શિક્ષણ જગતમાં ખૂબ જ સન્માનનીય સ્થાન પામેલ છે. વર્ષ 2012 થી કાર્યરત શાળામાં પૂર્વ પ્રાથમિક વિભાગથી ઉચ્ચતર માધ્યમિક વિભાગના સામાન્ય પ્રવાહમાં  વિદ્યાર્થીઓ અભ્યાસ કરી રહ્યા છે. વર્ષ 1968 થી સ્થાપિત સંસ્થા નવભારત એજયુકેશનલ ટ્રસ્ટ દ્વારા સંચાલિત હરિ સેવા વિદ્યાલય,વારસીયા -વડોદરા એકમાત્ર ગુજરાતી માધ્યમ ધરાવતી શાખા છે. 

અમો હરિ સેવા વિદ્યાલય બાળકના વિવિધ પાસાઓને ધ્યાનમાં રાખી સર્વગ્રાહી અને સંકલિત વિકાસમાં માનીએ છીએ. શાળા બાળકને એક એવું વાતાવરણ પૂરું પાડે છે જ્યાં અભ્યાસક્રમ સાથે બાળકોના અભિન્ન વિકાસ જેવા કે શારીરિક, બૌદ્ધિક, ભાવનાત્મક અને આધ્યાત્મિક ઉત્થાન તરફ પણ ધ્યાન અપાય છે. અમો શાળામાં બાળકો માટે સલામત અને સહાયક વાતાવરણ પૂરું પાડવા સંપૂર્ણ રીતે પ્રયત્નશીલ રહીએ છીએ. બાળકો શાળામાં ભણતી વખતે નીડર, ગૌરવશાળી અને પ્રબુધ્ધ બની ભવિષ્યમાં વૈશ્વિક સમાજમાં ઊભા રહી શકે તે મુજબનું સમૃદ્ધ, પ્રેરણાદાયી અને વૈવિધ્યસભર શિક્ષણ પ્રદાન કરવામાં આવે છે.

શાળા નવી રાષ્ટ્રીય શિક્ષણનીતિ 2020 ને પૂર્વ પ્રાથમિક અને પ્રાથમિક વિભાગમાં અનુસરી બાળક કેન્દ્રિત અભિગમ સાથે સતત કાર્યશીલ રહે છે.

શાળામાં વિશાળ વર્ગખંડોની સાથે અત્યાધુનિક સુવિધાઓ જેવી કે સ્માર્ટ ટીવી, સ્માર્ટ બોર્ડ, સાઉન્ડ પ્રુફ દ્રશ્ય શ્રાવ્ય ખંડ, , દરેક બાળક દીઠ એક કમ્પ્યૂટર ધરાવતી કમ્પ્યૂટર લેબ, , વિવિધ ઇન્ડોર રમતો ધરાવતો રમતગમત ખંડ અને વિવિધ આઉટડોર રમતો જેમ કે વોલીબોલ, ફૂટબોલ, હોકી, કબડ્ડી, ખો – ખો માટેના વિશાળ તેમજ લીલાછમ મેદાનનો સમાવેશ થાય છે. દરેક ક્ષેત્રના પુસ્તકો ધરાવતું પુસ્તકાલય, વિજ્ઞાન પ્રયોગશાળા, અદ્યતન સુવિધા ધરાવતું ઓડિટોરિયમ, યોગ ખંડ ધરાવે છે તેમજ પૂર્વ પ્રાથમિક વિભાગના નાના બાળકો માટે રમત ગમતના વિવિધ સાધનો, શૈક્ષણિક સાધનો, પ્રવૃત્તિ ખંડ, દ્રશ્ય શ્રાવ્ય ખંડ, ભાષા ખંડ, ગણિત ખંડ, સેન્ડપીટ તેમજ સુરક્ષિત પ્લે એરિયાની પણ સુવિધા છે. જેમાં પ્રવૃત્તિમય શિક્ષણ પર સતત ભાર મૂકવામાં આવે છે. દરેક વર્ગખંડ સહિત સમગ્ર શાળા પરિસર  સીસીટીવી કેમેરાથી સજ્જ છે.

શાળા અદ્યતન સુવિધાની સાથે પર્યાવરણીય સંતુલન પણ ધરાવે છે. શાળા બાળકોની સુરક્ષા અને સલામતીને પ્રથમ પ્રાથમિકતા આપે છે. પાણીની પૂરતી સગવડ માટે કૂવો તેમજ બોરની સાથે વરસાદના પાણીનો સંગ્રહ કરી તેનો કુનેહપૂર્વક ઉપયોગ થઈ શકે તે માટે રિચાર્જ બોરની પણ સુવિધા છે. શાળામાં બાળકો અને સ્ટાફને પીવાનું શુદ્ધ પાણી મળી રહે તે હેતુથી R.O પ્લાન્ટ અને કૂલર પણ છે. શાળામાં ધારા ધોરણ અનુસારની અગ્નિશામક સુવિધા પણ છે.

શાળા સ્વચ્છતા અને પર્યાવરણ માટે પણ એટલી જ જાગૃત છે. શાળામાં  વૃક્ષો, નાના ફૂલછોડ, ઔષધીય વનસ્પતિ છે.  તેનું નિયમિત જતન કરવામાં આવે છે. વિદ્યુત ઊર્જાનો બચાવ કરવાના હેતુથી શાળામાં  સોલાર પેનલ નાખવામાં આવી છે.

આમ ઘણી સુવિધાઓ સાથે બાળકોમાં અભ્યાસની સાથે મૂલ્યોનું સિંચન કરી સામાજિક જાગૃતિ માટે શાળા હંમેશા પ્રયત્નશીલ રહે છે.

શાળામાં વિવિધ આધુનિક સુવિધાઓ જેમ કે, દ્રશ્ય શ્રાવ્ય ખંડ, કમ્પ્યૂટર લેબ જેમાં દરેક બાળક દીઠ કમ્પ્યૂટરની સુવિધા, પુસ્તકાલય તેમજ સંપૂર્ણ સાધન સામગ્રી, રસાયણોથી સજ્જ એવી જીવ વિજ્ઞાન, ભૌતિક વિજ્ઞાન અને રસાયણ વિજ્ઞાન પ્રયોગશાળાની વ્યવસ્થા છે. આ સાથે ઓડિટોરિયમ તેમજ સી.સી.ટી.વી કેમેરાથી સજ્જ વિશાળ વર્ગખંડો તથા બાળકોના સર્વાંગી વિકાસને ધ્યાનમાં રાખીને વિવિધ રમત – ગમતના સાધનોથી સુસજ્જ રમત ખંડ તેમજ મેદાન કે જેમાં વોલીબોલ, ફૂટબોલ, હોકી, ખો – ખો જેવી રમતો આવરી લીધેલ છે.

બાળકોની સલામતી માટે સમગ્ર શાળા તેમજ શાળા પરિસરને સી.સી.ટી.વી. થી સુસજ્જ કરેલ છે. કે.જી વિભાગના બાળકો માટે પણ તેમની વય કક્ષા મુજબ વિવિધ રમતોના સાધનો, શૈક્ષણિક સાધનો, સેન્ડપીટ, પ્લે એરિયાની સુવિધા પણ છે.

સમયાંતરે વાલી – શિક્ષક મીટીંગ દ્વારા વાલીઓને શાળા પરિવારનું અભિન્ન અંગ બનાવી બાળકોના વિકાસમાં સહભાગી બનાવવામાં આવે છે. શાળા અને વાલી વચ્ચે સેતુરૂપ પોતાની એપ ધરાવે છે જેના દ્વારા તમામ શૈક્ષણિક અને બિનશૈક્ષણિક માહિતીઓનું આદાન-પ્રદાન થાય છે.

શાળામાં નવી રાષ્ટ્રીય શિક્ષણ નીતિ 2020 હેઠળ પ્રવૃત્તિ સાથેના ભણતર પર ભાર મૂકવામાં આવે છે (learning by doing). 

આજના વિદ્યાર્થીમાં કિશોરવસ્થામાં આવતા પરિવર્તનો અને પડકારો અંગે સચોટ અને વાસ્તવિક જ્ઞાન આપવા માટે શાળામાં Skill for Adolescent (SFA)નો કાર્યક્રમ નિયમિત અભ્યાસ સાથે આવરી લીધેલ છે. જેમાં વિદ્યાર્થીઓને કિશોરવસ્થાના વિવિધ કૌશલ્યો અંગે માર્ગદર્શન આપવામાં આવે છે.

શાળામાં FRCના આધારે ફીનું ધોરણ નિયત કરેલ છે. જેના દ્વારા પોષાય તેવી ફીમાં વિવિધ અદ્યતન સુવિધાનો લાભ બાળકોને આપવામાં આવે છે.

શાળાના શૈક્ષણિક સ્ટાફ માટે સમયાંતરે વિવિધ તાલીમ, વર્કશોપનું પણ આયોજન કરવામાં આવે છે.

આ સાથે શાળા ઉત્તમ પર્યાવરણીય સંતુલન ધરાવે છે. પાણીની સગવડતા માટે બોરની સુવિધા પણ છે. વળી પાણીના શુદ્ધિકરણ માટે દસ R.O. પ્લાન્ટ અને કૂલરની સુવિધા છે, જેથી બાળકોને પીવાનું શુદ્ધ પાણી મળી શકે. તેની સાથે વરસાદી

પાણીનો સંગ્રહ કરવા માટે રિચાર્જ બોર પણ કરવામાં આવેલ છે. શાળામાં વિદ્યુત ઊર્જાના બચાવના ભાગરૂપે સોલાર પેનલ નાખવામાં આવી છે. આ સૌર ઊર્જાથી શાળામાં વીજ વપરાશ કરવામાં આવે છે.

આમ, વિસરાતી માતૃભાષાને જીવંત રાખી ગુજરાતી માધ્યમના બાળકોને ગુણવત્તાસભર ભણતર સાથે જીવનમૂલ્યોના પાઠ ભણાવતી, અદ્યતન સુવિધા સહિતની વિશ્વસનીય શાળા એટલે જ હરિ સેવા વિદ્યાલય,વારસીયા -વડોદરા